ExCelsior
AANLYN lEERSENTRUM
“Laat ons u kind bystaan met aanlyn klasse vir graad 8 tot 12. Excelsior is die ideale plek waar gekwalifiseerde onderwysers in ‘n veilige omgewing aanlyn klasse fassiliteer met geen kragonderbrekings.”
Meer as 16 jaar onderrig ondervinding
Excelsior aanlyn leersentrum fokus daarop om leerders wat ‘n aanlyn skool se kurrikulum volg, by te staan om al die vereiste assesserings per kwartaal te voltooi om sodoende aan die kriteria te voldoen vir bevordering aan die einde van elke skooljaar. Twee gekwalifiseerde hoërskool onderwysers tree as voltydse fassiliteerders op om die leerders by te staan.
Leerders van Gr 8–12 is welkom
Aanlyn klasse word aangebied in Afrikaans of Engels
100% graad 12 slaagsyfer
Onbeperkte hoë-spoed WiFi
Toesig van leerders deur gekwalifiseerde onderwysers
Ideaal vir leerders wat op hul eie floreer
Gestig in 2007 as Excelsior Akademie
Hoe is Excelsior en aanlynskole aan mekaar verbind?
Excelsior is in 2007 gestig vir leerders wat sukkel om in groot klasse te funksioneer. Ons het egter besluit om saam met die elektroniese vooruitgang te beweeg en het vanaf Januarie 2023 aanlyn skool kurrikulums begin fasiliteer.
Leerders wat by ‘n aanlynskool geregistreer is kan by Excelsior aanlynsentrum inskryf en onder toesig die aanlyn kurrikulum volg. Alle voorgeskrewe take, toetse en eksamens moet op vaste datums by aanlynskole ingegee /geskryf word. By Excelsior aanlynsentrum sal toegesien word dat hierdie datums nagekom word. Kwartaalrapporte word slegs deur aanlynskole uitgegee wanneer alle assesseringstake vir die betrokke kwartaal voltooi is.
Wi-fi wat vir aanlynklasse benodig word, word deur Excelsior verskaf. Toesig word gehou deur die Excelsior personeel om te verseker dat die leerders alle voorgeskrewe lesse en take doen. Matrikulante skryf die Nasionale Senior Sertifikaat deur ‘n eksamenliggaam met akkreditasie by Umalusi. Excelsior is geregistreer by die Departement van Basiese Onderwys (EMIS no.: 400501.
Ons nooi jongmense om deel te word van Excelsior om sodoende ‘n plek te kry waar jy in ‘n veilige omgewing jou skoolloopbaan kan voltooi.
Eksamenhoof
Gekwalifiseerde onderwysers hou toesig oor die leerders terwyl hulle besig is met aanlyn klasse, toetse en eksamen.
‘n Opgeleide eksamenhoof is in beheer van alle eksamensake en die gladde verloop van elke eksamen. Hy sien toe dat aan die vereistes van Umalusi voldoen word. Ons eksamenhoof het reeds tien jaar ondervinding met eksamensake.
Wat ouers van ons sê.
Gee jou kind ‘n kans om goed te presteer.
“Werklik opregte besorgdheid en betrokkenheid by die welvaard van elke kind. Ek beveel Excelsior met vrymoedigheid aan.”
“Besonderse skool. Elke kind kry individuele aandag want die klasse is Baie klein. Die onderwysers gee regtig om vir jou kind.”